حبيبي المدير

قال_لانك عملت معايا واقفة رجالة دلوقت يا شوقي فأنا هبعتلك الهديه بتاعتك ..
شوقي بتساؤل_هدية ايه دي يا ياسر باشا
ياسر بابتسامة_هسفر بنتك تتعالج برا مصر علي حسابي
شوقي قام وقف بسرعه من مكانه وقال بلهفه_ازاي يا ياسر بيه ..بس انا خلاص هعالجها هنا في مصر
ياسر باعتراض_علاج بنتك مش موجود في مصر يا شوقي..انت مش واثق فيا 

شوقي اتوتر وقرر يرفض المره دي لان ياسر من الواضح ان نيته مش حلوه فقال باعتراض_لا يا بيه انا مش عاوز ابهدلها أكتر من كده كفايا عليها السنين اللي قضتها هنا في تعب..انا بعتذر لاني معرفتش حضرتك اني اخدتها من المستشفي بتاعك بس انا خلاص لقيت علاجها المناسب في مستشفي تانيه
ياسر بان علي ملامح وشه الانزعاج فقال بضيق_ ماشي يا شوقي عموما انا حبيت اساعدك وانت خليك فاكر اني عرضت عليك وانت رفضت!
شوقي اتضايق من كلامه وقال_متشكر لكل اللي عملته علشاني انا وبنتي يا باشا
ياسر قال قبل ما يقفل المكالمة_عاوزك تجيلي الشركه علشان مجموعة الفؤاد هتمضي معايا عقد النهارده.
اتفاجئ شوقي من سرعته في التنفيذ وقال_حاضر ياباشا اجي لحضرتك امتي
ياسر_الظهر يا شوقي ..يلا سلام!
قفل ياسر المكالمة واتجه لمكتب السكرتيره وطلب منها تعمله قهوه وبعدها رجع لمكتبه وهوا حاسس انه قرب ينتصر علي شركة ماهر وياخد هوا المركز الاول مكانه
فسند ضهره بغرور علي الكرسي وهو بيتخيل لما يدمر شركة ماهر وياخد هوا الشهره مكانه
وعند ناني والدة ياسر كانت صحيت وهيا بتفكر في ديحة باشا واللي مطلعش من دماغها من بعدما قابلته امبارح ..
كان من الواضح علي شكلها انه عاجبها وحست انها ممكن تفتح قلبها من أول وجديد تاني واول ما قالت كلامها لنفسها ابتسمت بخجل وقررت انها تقرب من ديحة وتلاعبه تاني علشان يبصلها بنظرة الجواز وبعدما جهزت نفسها قررت تستعد وتروح لاصحابها لحدما الليل يجي وتروح علشان تقابله تاني .
رواية حبيبي المدير بقلمي شيماء صبحي 
وعند ممدوح ومنعم كانوا قاعدين بياكلوا مع بعض ومنعم بيقول_انا متاكد انها هتيجي البار و تدور عليك اصل اللي زيها بيحبوا النوع اللي ذيك دا يا ديحه من الرجالة 
ممدوح ابتسم وقال وهوا بيمثل انها قدامه _هيا اصلا حلوه اوي كده واعوض سنين الشقي دي كلها بقي
منعم بصله پصدمه وقال _اهدي يا عم ممدوح انت بتقول ايه انت ناسي انك في مهمه ومينفعش خالص والكلام دا خالص
ممدوح حرك راسه باعتراض وقال_لا انا عادي هو مش انتوا عاوزين الفلوس بس يبق انا هاخد اللي انا عايزه انا كمان وبكده نكون ضربنا عصفورين بحجر واحد
منعم بقلق من كلامه _بس ماهر باشا هيتضايق لما يعرف اللي انت عايز تعمله دا خد بالك
ممدوح باستغراب من كلام منعم _وهو ماهر باشا هيعرف منين بس هو مش انا وانت بس اللي بنفذ المهمه..انت مش هتقوله حاجه وخلاص
منعم حرك راسه برفض_لا يا عم ممدوح احنا هنفذ كلام ماهر باشا بس ومش عاوزين نعمل مشاكل احنا مش قد ڠضب ماهر باشا انت لسا متعرفوش لما يغضب
ممدوح قال_متقلقش انا مش هعمل حاجه تضايق الباشا بس برضوا مش قادر اطلعها من دماغي..يخربيت جمال امها الوليه دي..لا وليه ايه احنا نقول ست الكل بق علي كده !
منعم ضړب كف بكف وقال_ربنا يسترها يا ديحة باشا ونخلص الاسبوع دا علي خير قبل ما توديني في داهيه وانا عريس علي وش جواز ولسا مدخلتش دنيا!
ممدوح قام من جمبه وهو بيضحك علي كلامه ومنعم بص عليه وقال